Tîm Ymyrraeth Cysgu ar y Stryd (RSIT) Abertawe

Mae Tîm Ymyrraeth Cysgu ar y Stryd Abertawe yn darparu gwasanaeth allgymorth i bobl ddigartref sy’n byw ar y stryd yng nghanol y ddinas

Mae’r tîm yn darparu nwyddau, cefnogaeth a chyngor i bobl sy’n cysgu allan neu sydd mewn llety lle maent yn agored i niwed yn ardal Abertawe.

Mae staff profiadol yn cefnogi cleientiaid drwy

• Ddarparu brecwast
• Diodydd poeth
• Sachau cysgu
• Dillad cynnes
• Pethau ymolchi
• Help i ddod o hyd i ddarpariaeth leol arall drwy’r dydd a gyda’r nos

Rydym hefyd yn helpu i ddiwallu anghenion cyfredol drwy gynnig cyngor ar faterion amrywiol a thrwy hwyluso mynediad at y gwasanaethau mwyaf priodol, perthnasol ac arbenigol yn aml.

Bydd hyn yn cynnwys

• Cyngor ar dai
• Atgyfeirio at lety â chymorth
• Cyngor am fudd-daliadau
• Atgyfeirio at ofal iechyd o bob math ac atgyfeirio at ganolfannau camddefnyddio sylweddau

I gael rhagor o wybodaeth am y prosiect, neu i ofyn am wybodaeth am atgyfeirio, cysylltwch â ni.